bio

Machina é unha banda galega de rock alternativo, hardcore melódico e metal alternativo cantado en galego e fundada en Cerceda (A Coruña) no ano 2002. A primeira formación estaba composta por Gonzalo Grela (guitarra), César Ríos (baixo), Mahi Ferradás (batería), Ignacio Grela (guitarra) e Estefanía Lamas (voz). No 2003 César, Ignacio e Mahi comezan un novo proxecto chamado Presencia Zero o que suporá que deixen Machina debido a dispoñobilidade que o novo proxecto lles exixe. Diego Carreira (batería) e David Rivas (baixo) súmanse ao proxecto. No 2004 Estefanía abandona a banda. No 2005 o vocalista Ángel Herrero entra a colaborar coa banda e participa na gravación da súa primeira maqueta titulada “S.Ó.S. Machina” coa que saen gañadores do concurso “Campussons”. A banda sofre unha nova transformación radical manténdose só Gonzalo. No 2006 é cando Machina se refunda coverténdose no que hoxe é: Gonzalo, Anxo, Martín e Ángel. Nos primeiros meses Martín e Ángel compaxinan Presencia Zero con Machina ata a disolución da primeira.

O 2006 supón un punto de inflexión radical en Machina, os de Cerceda acompañan a Soziedad Alcoholika e entran a gravar co recoñecido productor Javier Abreu (Los Piratas, Boicot, Sugarless, Zënzar,…) o que será o seu Ep “Acouga” (2007). “Acouga” é un Ep de cinco pezas que dan boa mostra dos terreos nos que se move Machina, nu metal, hardcore melódico, rock alternativo. A particular versión do “Xirarei” de Xil Ríos dalle popularidade á banda soando na Radio Galega. Este traballo foi defendido pola banda cunha xira por todo a xeografía galega. No ano 2009 Machina publica “Post-Bravú” unha auténtica declaración de intencións no panorama galego. O disco foi gravado de novo con Javier Abreu e contando coas colaboracións de Xabier Díaz (Berrogüeto), Mou (DKTC) e Ghendebeat. Post-Bravú son 13 pezas que reflexan o que en Galiza se está a facer máis aló do folk ou da música festeira da que Galiza é unha potencia. Post-Bravú ten ramalazos do pop máis sútil e sensible e do rock máis duro e crú o que fai que sexa unha proposta auténtica. Con Post-Bravú Machina consegue formar parte do cartel de grandes festivais compartindo escenario con grandes bandas como Boikot, Amparanoia, Habeas Corpus ou Berri Txarrak. No 2010 Machina son escollidos polos Berri Taxrrak para acompañalos na súa xira galega de “Payola”. A fins do 2010 Machina volve a sorprender, nesta ocasión unha xira en acústico chamada “Desenchufados”. O novo formato da banda non deixou indiferente a ninguén recibindo unha extraordinaria acollida por parte do público.